Sindikata e Punëtorëve të RTK-së (SPERTK) ka bërë thirrje urgjente partive politike në Kuvendin e Kosovës që, para seancës së sotme, të dakordohen dhe të votojnë menjëherë themelimin e Komisionit për Buxhet dhe Transfere, me qëllim të zhbllokimit të buxhetit të Radio Televizionit të Kosovës.
“RTK është institucioni i vetëm publik i informimit në vend, dhe aktualisht po përballet me rrezikun real të ndërprerjes së funksionimit për shkak të mungesës së buxhetit. Qindra familje të punëtorëve të RTK-së tashmë po përballen me pasiguri të rëndë ekonomike, ndërsa çdo vonesë e mëtejme e thellon krizën”, thuhet në reagimin e SPRTK-së.
SPERTK thekson se mosmiratimi i komisionit nuk është çështje procedurale, por bllokadë që godet drejtpërdrejt punëtorët dhe transmetuesin publik.
Sindikata u bën apel të gjitha partive që sot të votojnë themelimin e komisionit dhe të zhbllokojnë buxhetin, duke e quajtur këtë një detyrë institucionale dhe përgjegjësi ndaj punëtorëve dhe qytetarëve që RTK shërben çdo ditë.
Të tjera
“Zoti ju vraftë”, “thirre ndihmën e shpejtë”, dalin pamjet kur shkrep arma në sheshin e Podujevës, njëri nga personat rrëzohet
Prokuroria për ngjarjen në Podujevë: Vrasje e rëndë në tentativë, të përfshirë nip e dajë, motivi “mosmarrëveshje paraprake”
Kompania kosovare-amerikane nis prodhimin e robotëve tokësor ushtarak