Kryeministri në detyrë i Kosovës, Albin Kurti, mori pjesë në ceremoninë qendrore të 117-vjetorit të Kongresit të Manastirit, ku mbajti një fjalim të gjatë dhe simbolik mbi rëndësinë historike të alfabetit shqip dhe rolin e tij në ndërtimin e unitetit kombëtar.
Në një mbrëmje të organizuar në Manastir dhe të mbushur me përfaqësues të lartë politikë nga Maqedonia e Veriut, Kosova, Shqipëria dhe trojet shqiptare, Kurti falënderoi për mikpritjen, duke përshëndetur një numër të madh zyrtarësh, përfshirë kryetarin e Kuvendit të Maqedonisë së Veriut Afrim Gashi, zëvendëskryeministrin Arben Fetai, ministren e Jashtme të Kosovës Donika Gërvalla, kryetarë komunash nga rajoni dhe përfaqësues të arbëreshëve të Italisë.
Në fjalimin e tij, Kurti tha se alfabeti shqip është “kurorëzimi i evolucionit të shkrimit ndër shekuj” dhe se Kongresi i Manastirit mbetet një nga ngjarjet më madhore të historisë sonë kombëtare. Ai theksoi se standardizimi i alfabetit ishte shumë më tepër se një vendim teknik:
Ai nderoi figurat e mëdha të Rilindjes dhe Kongresit të Manastirit, duke përmendur Gjergj Fishtën, Mithat Frashërin, Ndre Mjedën, Luigj Gurakuqin, Parashqevi Qiriazin e shumë të tjerë, të cilët, sipas tij, “e vendosën gjuhën shqipe jo me akademi, por me Kongres”.
Kurti e përmbylli fjalimin me mesazhin se shkrimi i gjuhës shqipe “mbetet përjetësisht”, ashtu siç mbetet qenia shqiptare.
Të tjera
Vesa Vllasaliu dhe Mirlind Daku në pritje të një vajze
Banorët imitojnë Benitën me këngën “Bugati”, krijojnë momente qesharake
“Torturë, ik se na doli zemra vendit” – Dolce dhe Edi kapen në momentin më intim deri tani