Menaxhmenti i KEDS ka marrë pjesë në një takim të rëndësishëm të organizuar me akterët e projekteve të Bashkimit Evropian, i cili kishte për fokus avancimin dhe digjitalizimin e sistemit elektroenergjetik në vend.
Në këtë takim mori pjesë edhe Kryeshefi Ekzekutiv i KEDS, z. Alpin Dogan, i shoqëruar nga ekipi menaxhues: z. Avni Alidemaj, z. Turan Kocabayraktar dhe z. Alush Mexhuani.
Gjatë takimit u theksua gatishmëria e KEDS për të kontribuar në projektet hulumtuese që lidhen me zhvillimin e rrjetit distributiv, si dhe në pjesëmarrjen e projekteve testuese të financuara nga fondet e BE-së. KEDS shprehu përkushtimin e saj për të bashkëpunuar ngushtë me akademinë, KOSTT-in dhe institucionet tjera evropiane, me qëllim të avancimit të teknologjive dhe proceseve që sigurojnë një sistem energjetik më modern, efikas dhe të qëndrueshëm.
Ky angazhim i kompanisë vjen në një kohë kur digjitalizimi i sektorit energjetik konsiderohet një hap kyç drejt transformimit të qëndrueshëm dhe rritjes së sigurisë së furnizimit me energji elektrike.
Të tjera
Përfitimet shëndetësore që i sjell supa e domateve
Zhvillimet e fundit politike pjesë e diskutimit mes Haxhiut e Giaufret
Krasniqi e mysafirët nga Trento flasin për projektet që synojnë në Kosovë