Pak orë pasi përfaqësuesit e Listës Serbe rimorën kontrollin në komunat me shumicë serbe në Kosovë, përfshirë katër komunat në veri, janë paraqitur në Rashkë për një takim me drejtorin e të ashtuquajturës Zyrës për Kosovën në Qeverinë e Serbisë, Petar Petkoviq.
Pas takimit, Petkoviq deklaroi se rikthimi i pushtetit lokal “te populli serb” në veri të Kosovës, si dhe “forcimi i mëtejshëm i komunave serbe në jug të Ibrit”, përbëjnë një hap të rëndësishëm për “të ardhmen, të mirën dhe mbijetesën e popullit serb”.
“Po vijnë kohë më të mira edhe në Kosovë”, shkroi ai në një postim në Instagram, duke shtuar se Serbia, nën udhëheqjen e presidentit Aleksandar Vuçiq, “është gjithmonë aty për të mbështetur popullin e vet” dhe për të garantuar “ruajtjen e paqes dhe stabilitetit”.
Rimarrja e pushtetit nga Lista Serbe vjen tre vjet pas largimit kolektiv të përfaqësuesve serbë nga institucionet e Kosovës, në shenjë kundërshtimi ndaj disa vendimeve të Qeverisë së Kosovës.
Të tjera
Lista Serbe s’duhej të certifikohej nga PZAP-ja
Këshilla si të kujdeseni për trupin gjatë verës
Gazetari nga Zvicra, Nefail Maliqi, i reagon ashpër Baton Haxhiut: “Mos e përlyej Ramushin!”