Komandanti i KFOR-it, Gjeneralmajor Ozkan Ulutash, organizoi një takim me ambasadorët e Gjermanisë, Italisë, Mbretërisë së Bashkuar, përfaqësues të Francës dhe SHBA-së, si dhe me Përfaqësuesin e Posaçëm të BE-së dhe zëvendësin e misionit të Turqisë, në selinë e KFOR-it në Kampin Film City, Prishtinë.
Sipas njoftimit, takimi shërbeu si mundësi që gjenerali Ulutash të informojë për situatën e sigurisë në rajon dhe të theksojë angazhimin e KFOR-it për të ruajtur një ambient të sigurt për të gjithë qytetarët e Kosovës. Ai gjithashtu falënderoi vendet pjesëmarrëse për kontributin e tyre të vazhdueshëm në misionin e udhëhequr nga NATO.
KFOR theksoi se vazhdon të zbatojë mandatin e tij sipas Rezolutës 1244 të OKB-së, duke mbështetur një mjedis të sigurt dhe lirinë e lëvizjes për të gjithë, dhe duke punuar ngushtë me Policinë e Kosovës dhe EULEX-in në përmbushjen e detyrave të sigurisë.
Të tjera
Aston Villa befason Arsenalin, i afrohet në 3 pikë liderit
Personat që gërhasin janë të rrezikuar nga infarkti në tru
Sot vendoset për datën e tërheqjes së shortit për renditjen e partive