Shaqiri realizon gol në fitoren e Baselit

Baseli ka marrë një fitore dramatike në transfertë ndaj Winterthurit, duke triumfuar 1–2 në ndeshjen e javës së 16-të të Superligës së Zvicrës.

Mysafirët kaluan në epërsi në minutën e 29-të, kur Xherdan Shaqiri realizoi pas asistimit të Soticek. Goli i tij i dha Basel-it kontrollin e pjesës së parë, e cila u mbyll me avantazhin minimal 0–1.

Ky ishte goli i gjashtë i Shaqirit këtë edicion krahas tetë asistimeve.

Ëinterthuri reagoi menjëherë në fillim të pjesës së dytë dhe arriti të barazojë në minutën e 51-të me golin e Hunziker, i cili shfrytëzoi mjaft mirë një moment të mirë në zonë.

Baseli kishte mundësi të rikthehej në epërsi edhe më herët, por humbi një penallti në minutën e 65-të, duke e mbajtur ndeshjen të hapur deri në fund. Megjithatë, presioni i vazhdueshëm i tyre u shpërblye në minutën e 90+3’, kur Tsunemoto realizoi golin e fitores pas një aksioni të ndërtuar nga Broeschinski.