Njohja e Kosovës nga Bahamasi po vlerësohet si një hap i rëndësishëm drejt forcimit të paqes dhe stabilitetit ndërkombëtar. Presidenti i Shqipërisë, Bajram Begaj, ka shprehur mirënjohjen e tij për këtë vendim, duke e cilësuar atë si një kontribut domethënës për rendin ndërkombëtar dhe stabilitetin në rajon.
“Shpreh mirënjohjen time të sinqertë ndaj Bahamasit për njohjen e Kosovës, një kontribut kuptimplotë në paqen, stabilitetin dhe forcimin e rendit ndërkombëtar në rajonin tonë”, ka shkruar kreu i shtetit shqiptar.
Ndërkohë, presidentja e Kosovës, Vjosa Osmani, e ka cilësuar këtë njohje si një moment historik për vendin. Sipas saj, Bahamasi bëhet shteti i 121-të që njeh Kosovën si shtet të pavarur dhe sovran.
“Edhe një vendim historik për vendin tonë. Bahamas bëhet shteti i 121-të që njeh Kosovën. Urime të gjithë qytetarëve të Republikës sonë! Sot, këtu në kryeqytetin e Bahamas, kemi nënshkruar marrëveshjen dypalëshe për njohje dhe vendosje të marrëdhënieve diplomatike me Kryeministrin Philip Davis”, ka shkruar Osmani.
Njohja nga Bahamasi pritet të forcojë më tej pozicionin ndërkombëtar të Kosovës.
Të tjera
Kortizoli ose hormoni i stresit, kur rritet dhe lidhja me ushqimet
Jake Paul suspendohet nga boksi menjëherë, pas humbjes me nokaut nga Anthony Joshua
Pep Guardiola thotë se City duhet të “përgatitet” për pasardhësin e tij