Gazetari hulumtues kroat, Domagoj Margetic, ka deklaruar se është përballur me kërcënime serioze, të cilat ai i lidh me publikimet e tij të fundit mbi vrasje të dyshuara të kryera me snajper gjatë luftës në Sarajevë në vitet ’90.
Sipas Margeticit, kërcënimi më i fundit i është dërguar në formë mesazhi me përmbajtjen: “Mos u bëj ti i radhës”, duke e cilësuar atë si pjesë të një vargu presionesh dhe frikësimesh ndaj tij. Ai pohon se më herët ka marrë edhe kërcënime të tjera, përfshirë paralajmërime se mund të përballet personalisht me dhunë në rrugën ku banon.
Këto kërcënime, sipas gazetarit, kanë ardhur pas publikimit të një teksti ku ai trajton vdekjen e dyshimtë të tre dëshmitarëve të “safarit njerëzorë” në Sarajevën e kohës së luftës, duke ngritur pyetjen publike: “Kush është i radhës?”
Margetic ka deklaruar gjithashtu se beson se presidenti i Serbisë, Aleksandar Vuçiq, ka qenë i përfshirë në vrasje të kryera me snajper gjatë asaj periudhe në Sarajevë, pretendime këto që kanë shkaktuar reagime dhe, sipas tij, edhe intensifikim të kërcënimeve.
“Agjentët e Vuçiqit nuk po humbasin kohë. Nga kërcënimet se një snajper do të më takojë në rrugën time në mbrëmje deri te ky kërcënimi i fundit” shkruan ai.
Të tjera
Lindja cezariane, këto janë pasojat për beben në të ardhmen
Trump shkarkon gati 30 diplomatë karriere nga postet e ambasadorëve
Ulni presionin e lartë të gjakut dhe zhbllokoni arteriet përmes kësaj pijeje