“Mirë se vini në Republikën e Sanxhakut” – pankarta në Novi Pazar dhe pretendimet për Albin Kurtin

Dje, në hyrje të qytetit të Novi Pazarit janë vendosur pankarta me mbishkrimin: “Mirë se vini në Republikën e Sanxhakut”, gjest që ka shkaktuar reagime dhe polemika, përcjell Kosova Post.

Mediat serbe i kanë cilësuar pankartat si separatiste dhe kanë lidhur vendosjen e tyre me kryeministrin e Kosovës, Albin Kurti, duke pretenduar se qëllimi është politik, për të ndarë Sanxhakun nga Serbia.

Aktualisht nuk ka konfirmim zyrtar për përfshirjen e Kurtit, ndërsa qytetarët dhe analistët lokalë e shohin situatën si shprehje të tensioneve politike dhe etnike në rajon.