Policia në rajonin e Prishtinës, Gjilanit, Ferizajt, Mitrovicës, Gjakovës, Pejës e Prizrenit, ka shpërndarë dhurata për fëmijët.
Kjo me rastin e festës së Vitit të Ri, ku dhe u realizuan aktivitetet festive në kuadër të projektit “Fëmijë të festojmë së bashku 2026”.
Qëllimi i shpërndarjes së dhuratave nga ana e zyrtarëve policor është bërë që t’u tregohet fëmijëve se Policia e Kosovës tregon kujdes për gëzimin dhe lumturinë e tyre përveç kujdesit për siguri.
“Policia e Kosovës është këtu jo vetëm për të mbrojtur, por edhe për të ndarë momente të veçanta si këto me komunitetin me raste festive, duke dëshmuar se bashkëpunimi ndërmjet Policisë dhe qytetarëve mbetet një shtyllë e rëndësishme për ndërtimin e një shoqërie më të mirë”, thuhet në njoftim.
Në njoftim po ashtu thuhet se projekti i organizuar me përkushtim nga Policia e Kosovës, u prit shumë pozitivisht nga qytetarët, ndërsa fëmijët shprehën entuziazëm dhe gëzim të veçantë gjatë pranimit të dhuratave.
“Policia e Kosovës u uron qytetarëve festat duke ju dëshiruar vit të mbarë”.
Të tjera
Konkursi i Serbisë për institucione ilegale shëndetësore, ndërhyrje në sovranitetin e Kosovës
Reflektojmë mbi bujarinë, solidaritetin dhe bashkimin tonë si komb dhe si shoqëri
Ngjarje e pazakontë në Superioren e Shqipërisë, portieri i Bylisit largohet nga fusha në mes të ndeshjes