KFOR-i vazhdon të kryejë patrullime

Ushtarë nga Batalioni Kinetik i Komandës Rajonale Perëndim (RC-W) të misionit të udhëhequr nga NATO, KFOR, vazhdojnë të kryejnë patrullime të pavarura në komunat brenda zonës së tyre të përgjegjësisë.

“Këto aktivitete, të realizuara si me mjete ashtu edhe në këmbë, nënvizojnë përkushtimin e vazhdueshëm të KFOR-it për të garantuar një mjedis të sigurt dhe të qetë për të gjithë njerëzit që jetojnë në Kosovë”, njofton KFOR.

KFOR-i vazhdon të zbatojë mandatin e tij, për të kontribuar në një mjedis të sigurt dhe të qëndrueshëm për të gjithë banorët e Kosovës, si dhe në lirinë e lëvizjes, në çdo kohë dhe në mënyrë të paanshme.

KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), sipas roleve të tyre përkatëse si reagues të sigurisë.