Qeveritë e opozitës ishin të korruptuara

The Economist”, medium prestigjioz nga Britania e Madhe, ka shkruar një artikull në lidhje me fitoren e Albin Kurtit, kryeministër në detyrë i Kosovës, në zgjedhjet e 28 dhjetorit.

Sipas “The Economist”-it, zgjedhjet e fundit tregojnë që demokracia në Kosovë është solide.

Në këtë artikull figuron edhe në prononcim i Petrit Selimit, ish-zv.ministër i Punëve të Jashtme nga radhët e PDK-së, i cili u ankua për “populizmin” e Kurtit.

“Ata në diasporë votojnë masivisht për z. Kurti. Madje, ai mund të ketë shtyrë zgjedhjet deri në kohën e Krishtlindjeve, duke ditur që emigrantët do të vizitonin vendin dhe do t’u bëhej më e lehtë të votonin, thotë Petrit Selimi, ish-ministër i jashtëm nga Partia Demokratike opozitare. Ai thotë se opozita dështoi krejtësisht në të kundërshtuar atë që e quan “blitzkrieg populist” i z. Kurti” – shkruan “The Economist”.

Pasazhi vijues i “The Economist” është një hapje e syve për Selimin. Mediumi britanik vlerëson se ish-qeveritë e opozitës ishin të korruptuara, duke dhënë disa arsye pse fitoi Kurti.

“Por populizmi është pjesërisht në syrin e shikuesit. Z. Kurti sulmon korrupsionin e opozitës së vendit gjatë viteve që ajo ka qenë në pushtet, por ka të drejtë: qeveritë e tyre ishin me të vërtetë korruptive. Përkundrazi, z. Kurti ka fituar lavdërime për udhëheqjen e asaj që konsiderohet gjerësisht si qeveria më e pastër që vendi ka pasur që nga pavarësia. Ai ka rritur pagat në sektorin publik dhe përfitimet për fëmijët. Megjithëse kosovarët ankohen për çmimet e larta dhe pagat e ulëta, shkurtimi i fuqisë punëtore brenda vendit do të thotë që pagat në vend gjithashtu po rriten, edhe pse aspak në nivele gjermane” – ka shkruar “The Economist”