Presidentja e Republikës së Kosovës, Vjosa Osmani, ka përkujtuar Rexhep Malën dhe Nuhi Berishën në përvjetorin e rënies së tyre, duke theksuar rolin e tyre në historinë e lirisë së Kosovës, përcjell KosovaPost.
“Ndërmjet 11 e 12 janarit të vitit 1984, në Kodrën e Trimave në Prishtinë, patriotët Rexhep Mala dhe Nuhi Berisha ranë heroikisht në përballje me forcat e regjimit serb. Dy djem që nuk e njohën frikën dhe i dhanë gjithçka lirisë së Kosovës”, ka shkruar Presidentja.
Ajo ka theksuar se si ideatorë të Komitetit të Studentëve, ata i paraprinë Pranverës Studentore të vitit 1981, duke qenë kumt i hershëm i përpjekjes së madhe për çlirim.
Osmani ka vlerësuar se rënia e tyre heroike shënoi fillimin e një kontributi që do të mbetet përgjithmonë pjesë e historisë për lirinë e Kosovës.
“Rexhep Mala dhe Nuhi Berisha jetojnë te secili prej nesh që mban në zemër atdheun, në çdo hap që bën Kosova dhe janë dëshmi se guximi dhe flijimi i tyre janë respekt dhe kujtesë e jona e përhershme”, ka theksuar presidentja Osmani.
Të tjera
Mbani në kontroll diabetin më këto ushqime
Këta janë shkaktarët më të shpeshtë të fryrjes së këmbëve
Programi festiv në Serbi shndërrohet në shovinizëm ndaj shqiptarëve