Ambasadori dhe miku i njohur i Kosovës, William Walker i ftuar sonte si musafir special ne Politiko, ka theksuar rëndësinë e rolit të mediave në ruajtjen dhe përcjelljen e kujtesës historike te brezat e rinj.
Walker tha se një pjesë e madhe e popullsisë së Kosovës, rreth 30 deri në 50%, është nën moshën 25 vjeç dhe për këtë arsye nuk e mban mend dhe as nuk mund ta dijë drejtpërdrejt se çfarë ka ndodhur në vitin 1999 dhe para asaj periudhe vendimtare.
Sipas tij, është detyrë e gazetarëve dhe e kanaleve televizive që vazhdimisht të flasin për këto ngjarje, në mënyrë që e vërteta historike të përcillet te të rinjtë.
“Jo duke më ftuar mua, por duke folur vazhdimisht, për të siguruar që të rinjtë e Kosovës të përfaqësojnë atë që Kosova përfaqëson sot për ta”, u shpreh Walker.
Ai e vlerësoi si shumë të rëndësishme përfshirjen dhe diskutimin e vazhdueshëm për këto tema, duke falënderuar emisionin për ftesën dhe mundësinë për të qenë pjesë e debatit.
Të tjera
Rusia do të kryente një atentat të rremë ndaj Viktor Orban për të fituar zgjedhjet
Frutat që të ndihmojnë lëkurën të duket më mirë
Franca mbështet Kosovën në rrugën drejt BE-së