Ministrja në detyrë e Punëve të Jashtme dhe Diasporës, Donika Gërvalla-Schwarz, ka kujtuar sot Holokaustin, në 81-vjetorin e çlirimit të kampit të përqendrimit Auschwitz, duke theksuar rëndësinë e ruajtjes së kujtesës historike dhe luftës kundër urrejtjes e diskriminimit, transmetin KosovaPost.
Në një postim në platformën X, Gërvalla tha se më 27 janar 1945 bota filloi të përballej plotësisht me tmerret e Holokaustit, gjatë të cilit miliona njerëz në mbarë Evropën u vranë sistematikisht vetëm për shkak të asaj që ishin.
Ajo përmendi historinë e të mbijetuarit të Holokaustit, Aron Krell, 99-vjeçar, i cili humbi nënën dhe tre vëllezërit e tij, ndërsa vetë mbijetoi pesë kampe përqendrimi, përfshirë Auschwitzin. Gërvalla kujtoi fjalët e fundit të vëllait të tij, Zvi: “Ju lutem, mos më harroni kurrë”, duke i cilësuar ato si një thirrje për kujtesë dhe për njerëzimin.
Ministrja theksoi se edhe Kosova e njeh dhimbjen e të qenit i shënjestruar vetëm për identitetin dhe se Holokausti na kujton se urrejtja dhe diskriminimi mund të shkatërrojnë familje dhe shoqëri të tëra, nëse nuk përballen me guxim dhe dhembshuri.
Të tjera
Si ta përgatisni vetë një krem ushqyes për lëkurën e duarve?
Pas tensioneve me administratën Trump, Netanyahu kërkon që Izraeli të çlirohet nga varësia e huaj
Roberto Martinez e mbron sërish Ronaldon: Është më i miri për të krijuar hapësirën që i nevojitet Portugalisë