Ish-deputetja e LDK-së, Jehona Lushaku-Sadriu, ka folur për zhvillimet aktuale politike në vend, gjatë një interviste në emisionin DPT te Fidani.
E pyetur nëse kanë nisur negociatat për formimin e një koalicioni qeverisës mes Lidhjes Demokratike të Kosovës dhe Lëvizjes Vetëvendosje, Lushaku-Sadriu tha se deri më tani nuk ka pasur asnjë diskutim të tillë.
“Jo, nuk është diçka që e kemi diskutuar, as që kam dëgjuar për të dhe as që jam pjesë e ndonjë diskutimi. Sigurisht, periudha pas certifikimit të rezultateve mund ta bëjë këtë temë relevante, por derisa rezultatet e zgjedhjeve nuk janë certifikuar, nuk ka asgjë konkrete në tavolinë”, deklaroi ajo në Klan Kosova.
Ajo shtoi se fillimisht duhet të përmbyllet procesi zgjedhor. “Zgjedhjet duhet të certifikohen, Kuvendi të konsolidohet dhe vetëm më pas mund të shihet se cila është perspektiva për formimin e qeverisë”, theksoi Lushaku-Sadriu.
Të tjera
Sa shpesh është “normale” të bëni seks nëse jeni të martuar
Bugaqku për kandidaturën e Hotit: Mund të mos jetë pjesë e rendit të ditës në Kuvendin e LDK-së
Dr*onët rusë përdorin satelitët e Muskut për të su*lmuar Ukrainën