Plicia e Kosovës, konkretisht Drejtoria për Hetimin e Krimeve Ekonomike dhe Korrupsionit, në Prishtinë sot në orët e mëngjesit gjatë një aksioni ka arrestuar tre zyrtarë të Komunës së Prishtinës.
IndeksOnline raportoi më herët se në mesin e të arrestuarve janë Dukagjin Gashi dhe Bashkim Sadiku.
Zyrtarët komunalë ishin kapur në flagrancë nga policia – duke marrë ryshfet.
Të tre, pas intervistimit, janë dërguar në mbajtje për 48 orë.
Kështu ka bërë të ditur zëdhënësja e Prokurorisë Themelore në Prishtinë, Kaltrina Shala.
“Pas aksionit te zhvilluar nga Prokuroria Themelore ne Prishtine, prokurori i shtetit ka marrë aktvendim për ndalimin e tre personave, të cilët kane kryer veprën penale “Keqpërdorim i pozitës apo autoritetit zyrtar” nga neni 414 te KPRK-se dhe “Marrja e ryshfetit” sipas nenit 421 të KPRK-së.
Po ashtu janë sekuestruar edhe telefona, si provë, që do të shërbejnë në zhvillimin e mëtejshëm të procedurës hetimore. Prokurori i shtetit, brenda afatit ligjor, do t’i parashtrojë kërkesë me shkrim gjykatës kompetente, për caktimin e ndonjë prej masave ndaj të dyshuarve” deklaroi Shala.
Të tjera
Tri shitjet e Barcelonës për të mbledhur 150 milionë euro të nevojshme për Julian Alvarez
Si ta përgatisni vetë një krem ushqyes për lëkurën e duarve?
Pas tensioneve me administratën Trump, Netanyahu kërkon që Izraeli të çlirohet nga varësia e huaj