Lipjani dhe jo vetëm u trondit mbrëmë, pasi nxënësi Zwejn Zejnullahu nuk u kthye nga shkolla.
Familjarë, të afërm, policia dhe njësiti për kërkim-shpëtim u aktivizuan menjëherë në gjetjen e tij.
Disa orë më pas, vogëlushi u gjet në lumin e Gadimes, teksa burime të IndeksOnline nga vendi i ngjarjes pohuan se ai mezi merrte frymë.
Me urgjencë, i mituri u dërgua në QKUK, ku çaste më vonë ndërroi jetë.
Nga raporti policor bëhet e ditur se trupi i pajetë i Zejnit është dërguar për obduksion, në Institutitn e Mjekësisë Ligjore.
“Lidhur me rastin, pas pranimit të një informate se viktima mashkull kosovar nuk është kthyer në shtëpi, ka filluar kërkimi i tij me ç’rast nga dëshmitari mashkull kosovar i njëjti është gjetur në lum. Viktima me autoambulancë është transportuar në QKUK-Prishtinë, ku më pas ka ndërruar jetë.
Vdekjen e viktimës e ka konstatuar mjeku kujdestar. Ndërsa në vendin e ngjarjes ka dalë njësitet përkatëse, dhe vendim të prokurorit trupi i pajetë dërgohet në IML për obduksion” thuhet në raportin e policisë.
Drejtoria rajonale e policisë në Prishtinë ka nisur hetimet për vdekjen e tij.
Të tjera
Kosova do të vazhdojë të ecë përpara, e palëkundur në rrugën e saj drejt familjes euroatlantike
Vetëvendosje dorëzon në polici kërkesë për hetim të kontratës 950 mijë euro të Komunës së Prishtinës për mbeturinat
‘Certifikimi i rezultateve’ Bugaqku: Procedura varet nga fakti sa kohë do të marrin ankesat e kandidatëve dhe partive!