Arrestohen 4 persona që shisnin armë në Tiranë, i trafikonin nga Kosova

Policia në Shqipëri ka njoftuar se ka finalizuar me sukses operacionin e koduar “Lockdown”, gjatë të cilit janë arrestuar 4 persona që dyshohen se shisnin armë zjarri në Tiranë, të trafikuara nga Kosova.

“Goditet një grup kriminal që shiste armë zjarri në Tiranë, të trafikuara nga Kosova. Vihen në pranga 4 shtetas.”

Policia e Shtetit thotë se ka sekuestruae 8 armë zjarrj, pjesë të ndryshme armësh, një armë gjahu, krehra dhe municion luftarak, 3 radio si ato të policisë, një jelek multifunksional dhe 9 celularë.

Sipas policisë armët montoheshin dhe magazinoheshin në Selitë.

Të dyshuarit janë: G. N., 39 vjeç, R. R., 48 vjeç, K. C., 49 vjeç dhe A. C., 45 vjeç, banues në Tiranë

“Nga hetimet dyshohet se këta shtetas, pasi siguronin armë zjarri kryesisht nga Kosova, i sillnin ato në Tiranë dhe më pas modifikoheshin dhe magazinoheshin në  Selitë.”

Tutje thuhet se punohet për identifikimin dhe kapjen e personave të tjerë të përfshirë në këtë veprimtari kriminale.

“Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.”