Ministri i Kulturës, Rinisë dhe Sportit, Hajrulla Çeku, në shoqëri të presidentit të Federatës së Futbollit të Kosovës, Agim Ademi ka vizituar sot stadiumin “Fadil Vokrri”.
Rikthimi i këtij stadiumi në funksion pas rinovimit u testua me sukses gjatë ndeshjes kualifikuese për Euro 2025 ndërmjet Kosovës dhe Ukrainës.
Ndeshja u zhvillua pa asnjë problem teknik dhe fusha u vlerësua me notë të lartë, duke siguruar kështu gatishmërinë e saj për të pritur ndeshjet e ardhshme të rëndësishme.
Ministri Çeku dhe presidenti Ademi inspektuan nga afër punimet e realizuara dhe shprehën kënaqësinë e tyre për përfundimin e suksesshëm të këtij projekti.
Gjatë vizitës në stadium, ministri Çeku dhe presidenti Ademi patën një takim me përzgjedhësin e Kombëtares, Franco Foda dhe me grupin e tifozëve të Kombëtares “Dardanët”.
Diskutimet u përqendruan në përgatitjet për ndeshjet e ardhshme të Ligës së Kombeve dhe organizimin e tyre sa më të mirë, me synimin për të krijuar një atmosferë mbështetëse dhe motivuese për ekipin kombëtar.
Të tjera
Katër këshilla për ta mbajtur diabetin në kontroll
Në Uashington harmonizuam qëndrimet me ShBA-në për hapat e mëtejmë në dialog
Shpallen të pafajshëm Haxhiu dhe të tjerët për gazin lotsjellës në Kuvendin e Kosovës pas 10 vitesh