Mimoza Kusari – Lila, kryetarja e Alternativas që është në koalicion me Lëvizjen Vetëvendosje, tha se pas pak do të nisë seanca për formimin e Qeverisë teksa informoi që i kanë votat për këtë proces njësoj siç i patën për konstituimin e Kuvendit të Kosovës.
“Po, besimi është se ata do të jenë prezentë. Grupet parlamentare e kanë mundësinë edhe të debatojnë, arsyet pro apo kundër votimit të qeverisë. Ne e kemi shumicën, e patë se u votua kryetarja e Kuvendit. Të njëjtat vota pritet të jenë edhe për Qeverinë Kurti 3, ato të konfirmuara. Ndërkaq sa i përket të tjerëve, prezenca e pjesëmarrja në votim pritet të shihet në vijim”, tha ajo në një intervistë për RTK-në.
Sa i përket vonesës së nisjes së seancës, ajo tha se është çështje teknike. “Arsyeja e shtyrjes së fillimit të seancës është të sigurohemi që të gjitha grupeve parlamentare u ka shkuar me kohë njoftimi, dhe janë bërë përgatitjet për pjesëmarrje”, tha ajo.
Për përbërjen e kabinetit qeveritar ajo tha se janë disa emra të cilët janë prezantuar edhe më herët.
Të tjera
Kurti 3, Qeveri me zëvendëskryeministër me aktakuzë për korrupsion
Spiropali uron Kosovën: Do të qëndrojmë gjithmonë pranë saj në rrugëtimin euroatlantik
Çaji i dafinës me kanellë për rënien e shëndetshme nga pesha