Presidenti izraelit Isaac Herzog sqaroi të enjten, se nuk ka vendosur ende për faljen e kërkuar nga kryeministri Benjamin Netanyahu, disa orë pasi homologu i tij amerikan, Donald Trump, komentoi se “duhet të turpërohet” që nuk e pranoi kërkesën.
“Ndryshe nga përshtypja e krijuar nga komentet e Presidentit Trump, Presidenti Herzog ende nuk ka marrë një vendim për këtë çështje”, sipas një njoftimi për shtyp të lëshuar nga zyra e presidentit izraelit.
“Kërkesa e kryeministrit po shqyrtohet aktualisht nga Ministria e Drejtësisë për një mendim ligjor, në përputhje me procedurat e përcaktuara”, tha ajo.
Theksohet se “pas përfundimit të procesit, Presidenti Herzog do ta shqyrtojë kërkesën”, me fokus të vetëm në “interesat e Shtetit të Izraelit” dhe “pa u ndikuar nga presione të jashtme ose të brendshme të çfarëdo lloji”.
Trump tha të enjten se beson që kryeministrit izraelit Benjamin Netanyahu, i cili po përballet me ndjekje penale për korrupsion, duhet t’i jepet një falje, duke shtuar se presidenti izraelit “duhet të turpërohet” që nuk e ka bërë ende këtë.
Të tjera
Prokuroria e Krimet Ekonomike të policisë nisin një aksion ndaj argjendarive në Pejë
Vizita e kryetares së parlamentit gjerman në Gaza shkakton kritika të ashpra
Rezoluta për Gjykatën Speciale është selektive dhe e pjesshme