Arijanet Muric ishte pjesë e rëndësishme e fitores me përmbysje të US Sassuolo ndaj Udinese Calcio me rezultat 2:1, në kuadër të javës së 25-të të Serie A.
Skuadra vendase e mbylli pjesën e parë në epërsi falë golit të mbrojtësit francez Oumar Solet në minutën e 10-të, duke vënë në vështirësi Sassuolon.
Megjithatë, në pjesën e dytë erdhi reagimi i menjëhershëm i mysafirëve. Armand Laurienté barazoi në minutën e 56-të, ndërsa vetëm dy minuta më vonë Andrea Pinamonti përmbysi gjithçka për 2:1, pasi më herët kishte asistuar edhe te goli i parë.
Portieri kosovar, Arijanet Muric, pati një paraqitje të qëndrueshme dhe të sigurt, duke ndihmuar skuadrën e tij ta ruajë avantazhin deri në fund.
Me këtë fitore, Sassuolo rikthehet te suksesi pas humbjes nga Interi javën e kaluar, ndërsa si Sassuolo ashtu edhe Udinese mbeten me nga 32 pikë në mesin e tabelës.
Të tjera
Në marshin “Drejtësi, jo politikë” do të interpretojnë Ilir Shaqiri, Lyrical Son dhe Arbnora Zogjani
Pjesëmarrja në Konferencën e Sigurisë në Mynih, hap i rëndësishëm për forcimin e aleancave
Kurti në Mynih takohet me ministrin e jashtëm norvegjez, diskutojnë bashkëpunimin mes dy vendeve