Ministria e Mbrojtës e Kosovës ka nënshkruar në Mynih me kompaninë Mercedes, në kornizat e Konferencës së Sigurisë një kontratë trevjeçare për furnizim me kamionë taktikë.
Sipas njoftimit, kontratën e ka nënshkruar Ministri i Mbrojtjes Ejup Maqedonci me Drejtorin e Përgjithshëm të Mercedes-Benz, Dennis Kinzelmann dhe Drejtorin e Shitjeve për sektorin e mbrojtjes, Daniel Zittel.
Ministria e Mbrojtjes njofton se: “Ky partneritet strategjik dëshmon angazhimin e Ministrisë së Mbrojtjes për ndërtimin e bashkëpunimeve të qëndrueshme me prodhues liderë ndërkombëtarë në industrinë e mbrojtjes, me synim rritjen e standardeve të sigurisë, ndërveprueshmërisë dhe gatishmërisë operacionale”.
Ministria pohon se nënshkrimi i kësaj marrëveshjeje konsiderohet një hap i rëndësishëm drejt modernizimit të flotës ushtarake dhe forcimit të kapaciteteve operacionale të ushtrisë së Kosovës.
Të tjera
Gazetar i RTK-së: Largimi i dy gazetareve nga RTK është “një formë persekutimi”
Ymeri për qeverinë e re: Janë shtuar ministri pa pasur nevojë
Trajtimi premtues që do të mund të shërojë alergjinë në kikirikë