Besa Kabashi Ramaj e Partisë Demokratike të Kosovës në seancën e Kuvendit të Kosovës ku po shqyrtohet në lexim të parë Buxheti për 2026, i mbajti për fjale qeverinë kosovare e cila ka premtuar ndërtim të industrisë ushtarake dhe prodim të dronëve ushtarakë.
“Ku janë të buxhetuara? Nuk janë askund”, tha ajo gjatë shtjellimit të pjesës për financimin e sigurisë kombëtare në Projektbuxhetin e 2026.
“Buxheti është dokumenti më i sinqertë i një qeverie. Aty shihet qartë çfarë ka prioritet real, dallohet vizioni prej retorike. Tash te financimi i sigurisë kombëtare. Dhe ju flitni për strategji, por kur e lexojmë buxhetin, aty ku strategjia duhet të merr formë financiare, aty nuk gjejmë programin, nuk gjejmë planin, nuk gjejmë ndërtimin e këtyre”, tha ajo.
Deputetja e PDK-së tha se Projektbuxheti 2026 për çështje të sigurisë dhe mbrojtjes nuk i përmbush përgjigjet në tri pyetje themelore.
“Ky buxhet a ndërton kapacitete të reja? A rritë gatishmërinë operacionale? A forcon vetëqëndrueshmërinë? Përgjigja është shqetësuese, nuk shohim linja për ndërtim të industrisë ushtarake, nuk shohim program për dronë, as arkitekturë shumëvjeçare. Industria ushtarake e premtuar, fabtrika e municioneve e dronëve, nuk ekziston në buxhet, as studim fizibiliteti, as ndërtim, as për zhvillim të dronëve, projete të tilla në çdo vend serioz fillojnë në buxhet, jo të deklaruara”, tha ajo.
Të tjera
Osmani pas takimit me Ramën: Kosova dhe Shqipëria bashkë drejt së ardhmes euroatlantike
Trafiku Urban falas për qytetarët më 17 shkurt
Vaji i kokosit zëvendëson kozmetikën e shtrenjtë