Trafiku Urban falas për qytetarët më 17 shkurt

Trafiku Urban në Prishtinë, ka njoftuar se për nder të 17 Shkurtit, Ditës së Pavarësisë së Kosovës, dhe në mbështetje të marshit qytetar “Liria ka Emër”, të gjithë udhëtarët do të lirohen nga pagesa e biletës.

Lirimi nga pagesa vlen gjatë ditës së festës, më 17 Shkurt.

“Të gjithë shfrytëzuesit e Trafikut Urban do të lirohen nga pagesa e biletës, në shënim të kësaj feste të rëndësishme dhe në mbështetje të marshit „Liria ka Emër”.
Lirimi nga pagesa vlen gjatë ditës së festës, më 17 Shkurt. Gëzuar 17 Shkurtin – Ditën e Pavarësisë!”, shkruhet në postimin e Trafikut Urban në Facebook.