Komandanti i KFOR-it gjeneralmajor Ozkan Ulutash, së bashku me përfaqësues të NATO-s, kanë vizituar Qendrën Ndërkombëtare të Trajnimit për Kërkim dhe Shpëtim të FSK-së, ku u theksua rëndësia e operacioneve të kërkim-shpëtimit për sigurinë publike dhe reagimin ndaj emergjencave, transmeton KosovaPost.
Komandanti i misionit të udhëhequr nga NATO në Kosovë, gjeneralmajor Ozkan Ulutash, së bashku me Drejtorin e Ekipit Këshillues dhe Ndërlidhës të NATO-s (NALT), gjeneral brigade Sven Lange, kanë vizituar Qendrën Ndërkombëtare të Trajnimit për Kërkim dhe Shpëtim (SaR) të Forcës së Sigurisë së Kosovës.
Gjatë vizitës, ata morën një pasqyrë të kapaciteteve dhe aktiviteteve trajnuese të qendrës, duke theksuar rëndësinë e operacioneve efektive të kërkim-shpëtimit në mbështetje të sigurisë publike dhe reagimit ndaj emergjencave, në përputhje me mandatin e FSK-së për mbrojtje civile.
Sipas njoftimit, vizita të tilla kontribuojnë në forcimin e bashkëpunimit dhe mirëkuptimit të ndërsjellë për siguri të qëndrueshme në Kosovë dhe stabilitet rajonal.
Të tjera
Kosova nuk planifikon shërbim të detyrueshëm ushtarak, paralajmëron model vullnetar
Faktorët që ndikojnë në stresin e fëmijëve
Komandanti i KFOR-it takohet me zëvendësshefin e Forcave të Armatosura Zvicerane në Prishtinë