Enis Kervan emërohet zëvendësministër i Mbrojtjes

Enis Kervan nga sot do të jetë zëvendësministër i Mbrojtjes. Ish-deputeti turk ka marrë këtë detyrë nga kryeministri, Albin Kurti.

“Kryeministri i Republikës së Kosovës, Albin Kurti, ka emëruar z. Enis Kervan në pozitën e zëvendësministrit në Ministrinë e Mbrojtjes. Kryeministri Kurti e uroi z. Enis Kervan për detyrën e re dhe i dëshiroi suksese në përmbushjen e përgjegjësive të reja”, thuhet në njoftimin e qeverisë.

Deri tash Kurti ka emëruar disa zëvendësministra në dikastere të ndryshme qeveritare.