Albulena Haxhiu ka bërë të ditur se ka pranuar amendamentet kushtetuese të propozuara nga Vjosa Osmani, të cilat parashohin që presidenti i vendit të zgjidhet drejtpërdrejt nga qytetarët, përcjell KosovaPost.
Haxhiu përmes një reagimi publik tha se këto amendamente synojnë të eliminojnë ngërçet politike që, sipas saj, po e pengojnë funksionimin normal dhe stabilitetin e institucioneve të vendit.
“Sapo i pranova amendamentet kushtetuese nga Presidentja Vjosa Osmani Sadriu, të cilat parashohin që Presidenti/Presidentja të zgjidhet drejtpërdrejt nga populli. Në këtë mënyrë eliminohen ngërçet që po e pengojnë funksionimin e institucioneve dhe që po e pamundësojnë stabilitetin e tyre”, ka shkruar Haxhiu.
Ajo gjithashtu u është bashkuar thirrjeve për mbështetjen e këtij propozimi në Kuvendi i Republikës së Kosovës, duke ftuar deputetët që të votojnë amendamentet kushtetuese.
Të tjera
Nxënësit gjermanë organizojnë protesta mbarëkombëtare kundër ligjit të ri për shërbimin ushtarak
Partneriteti me SHBA-të mbetet jetik dhe i pazëvendësueshëm
Qëndrimi ulur për orë të tëra ka pasoja të frikshme për shëndetin