Ambasada e Kosovës në Abu Dhabi kërkon nga qytetarët të njoftojnë nëse janë larguar nga shteti

Ambasada e Republikës së Kosovës në Abu Dhabi u ka bërë thirrje qytetarëve të Kosovës që ndodhen ose kanë qenë së fundmi në Emiratet e Bashkuara Arabe, e që më herët janë paraqitur në ambasadë për mundësinë e evakuimit emergjent, të njoftojnë institucionin nëse ndërkohë janë larguar nga territori i këtij shteti.

Sipas njoftimit të ambasadës, kërkesa u drejtohet qytetarëve kosovarë – vizitorë të përkohshëm apo rezidentë – të cilët janë regjistruar për evakuim, por që me vetë-iniciativë tashmë kanë dalë nga Emiratet e Bashkuara Arabe.