Spitali i Pejës bën apel, kujdes me ushqimin për festën e Bajramit

Spitali Rajonal i Pejës ka apeluar qytetarët për kujdes me ushqimet Ditën e Fitër Bajramit.

Në apelin e këtij spitali është bërë thirrje të mos konsumohen porcione të mëdha, të kufizohen ëmbëlsirat dhe ushqimet me yndyrë.

“Gjatë festave shijoni ushqimin me masë. Festat janë kohë gëzimi dhe tryezash të pasura, por është e rëndësishme të ruajmë balancën në të ushqyer. Shëndeti varet nga zakonet tona të përditshme” , ka apeluar Spitali Rajonal i Pejës.