Gjykata e Lartë e Shqipërisë ka vendosur dërgimin për rishqyrtim të çështjes ndaj ish-presidentit të Shqipërisë, Ilir Meta, në Gjykatën e Posaçme të Apelit për Korrupsionin dhe Krimin e Organizuar (GJPAKKO), transmeton Anadolu.
Ish-presidenti Meta, i cili aktualisht ndodhet në paraburgim, kishte kërkuar shfuqizimin e masës së sigurisë “arrest në burg”.
Në një njoftim të publikuar në uebfaqen e Gjykatës së Lartë thuhet se sot gjykata vendosi dërgimin e çështjes për rishqyrtim në GJPAKKO.
Gjykata e Posaçme të Apelit për Korrupsionin dhe Krimin e Organizuar la në fuqi masën “arrest në burg” ndaj ish-presidentit Meta më 30 janar të këtij viti, masë e cila kundërshtohet nga Meta.
Kujtojmë se çështja ndaj ish-presidentit të Shqipërisë, Meta, ka kaluar në gjykim, ndërkohë gjykatat në Shqipëri kanë refuzuar edhe kërkesat e tij për lirim nga paraburgimi.
– Çështja ndaj ish-presidentit Meta
Ish-presidenti Meta është arrestuar më 21 tetor 2024, i dyshuar për kryerjen e disa veprave penale në lidhje me çështjen që është e njohur si “Kontrata e shërbimit CEZ-DIA” dhe për “kontrata lobimi në SHBA”.
Aktualisht, Meta është në paraburgim. Sipas Prokurorisë së Posaçme kundër Korrupsionit dhe Krimit të Organizuar (SPAK), Meta është i dyshuar për pastrim parash, korrupsion dhe mosdeklarim pasurish.
Meta, i cili aktualisht është kryetar i partisë opozitare, Partisë së Lirisë, ka mbajtur poste të larta në institucionet e shtetit shqiptar.
Të tjera
FIFA refuzon zëvendësimin e Iranit me Italinë në Kupën e Botës
Efektet pozitive të çajit të zi
Tradhtia, al*kooli e dr*oga – shkaktarët kryesorë të divorceve, 137 raste për një mua