Ish-deputetja e Lidhjes Demokratike të Kosovës, Hykmete Bajrami, ka reaguar pas renditjes së saj si e 12-ta në listën e Lidhjes Demokratike të Kosovës (LDK) për zgjedhjet e 7 qershorit, duke thënë se pozicioni në listë nuk përbën asnjë problem për të.
Ajo tha se është pjesë e listës së LDK-së sepse, sipas saj, partia është më e madhe se çdo individ dhe se angazhimi i saj politik nuk lidhet me renditje apo fitore personale.
Tutje ka shtuar se ka qenë pjesë e LDK-së në vazhdimësi dhe se nuk e ka parë asnjëherë partinë si stacion të përkohshëm politik, duke kujtuar edhe përvojën e saj si deputete në disa mandate.
Sipas saj, beteja e saj politike është për një Kosovë që nuk i nënshtrohet, siç u shpreh ajo, arrogancës së pushtetit, si dhe për një shtet me institucione të pavarura dhe funksionale.
“Beteja ime është për një Kosovë që nuk i nënshtrohet arrogancës së pushtetit; për politikën që i shërben qytetarit e jo interesave personale; për demokracinë që nuk tkurret”, ka shtuar ajo.
Të tjera
Kripa përdoret edhe si produkt kozmetike
Konjufca: Kosova, e gatshme për marrjen e statusit të vendit kandidat dhe nisjen e negociatave për anëtarësim në BE
Irani: Përfundimi i luftës, heqja e bllokadës dhe sanksioneve janë “kërkesat minimale” për paqe