Marc Cucurella mund të largohet nga Chelsea gjatë afatit kalimtar të verës.
Sipas raportimeve të fundit, klubi londinez nuk do ta pengojë largimin e mbrojtësit spanjoll nëse në adresën e tij mbërrin një ofertë e kënaqshme financiare.
Interesimi për 27-vjeçarin është i madh.
Barcelona dhe Atletico Madridi kanë vendosur kontakte me rrethin e lojtarit për të shqyrtuar mundësinë e transferimit, ndërsa admirues i cilësive të tij mbetet edhe trajneri i Manchester Cityt, Enzo Maresca.
Nga ana tjetër, edhe Real Madridi është në kërkim të një mbrojtësi të majtë për sezonin e ardhshëm, por situata financiare e klubit madrilen mund të ndikojë në lëvizjet e tyre në merkato.
Cucurella zhvilloi paraqitje të mira me Chelsean sezonin e fundit dhe mbetet një nga emrat më të kërkuar në tregun e transferimeve. E ardhmja e tij pritet të qartësohet në javët në vijim, teksa disa prej klubeve më të mëdha evropiane po monitorojnë nga afër situatën e spanjollit.
Të tjera
Vendimi i Iranit për të ndërprerë negociatat me SHBA, tregjet evropiane të aksioneve në rënie
Haxhiu viziton Klinikën e Pediatrisë në Ditën e Fëmijëve: Fëmijët meritojnë më të mirën prej nesh
Saliba në rrezik për botëror, lëndimi i tij më serioz sesa pritej