Mbi 22% e votuesve kanë votuar në qendrën më të madhe të votimit në Prishtinë

Sot po mbahen zgjedhjet e parakohshme në Kosovë.

Menaxherja e kësaj qendre, Fahrije Axharraj, tha për Kosova Post:
“Deri më tani, sa i përket procesit të votimit, gjithçka ka shkuar në rregull. Në këtë qendër kanë të drejtë vote 12 mijë e 428 votues, të shpërndarë në 14 vendvotime. Kjo është qendra më e madhe e votimit në kryeqytet.”

Sipas saj, deri tani kanë votuar 2 mijë e 788 votues, që përbën 22.43% të numrit të përgjithshëm të votuesve.

Procesi i votimit ka nisur në orën 07:00 dhe, sipas përgjegjësve të qendrave të votimit, deri më tani po zhvillohet pa probleme.