“Dardanet” shkëlqejnë në Prishtinë, shënojnë fitore ndaj Malit të Zi

Kombëtarja e Kosovës në volejboll për femra ka arritur ta mposht Malin e Zi me rezultat bindës 3:0 në kuadër të CEV Volleyball European League.

Vajzat dardane dominuan nga fillimi deri në fund, duke fituar setet: 25:19, 25:21, 25:15.

“Dardanet” treguan një paraqitje spektakolare, me karakter, disiplinë dhe shpirt luftarak, që nuk i la asnjë mundësi kundërshtarit.

Kjo fitore bëhet edhe më e madhe duke pasur parasysh formën e mirë të Malit të Zi në këtë garë.