Kosova dhe Maqedonia e Veriut më afër njëra-tjetrës, VLEN publikon video nga punimet në autostradë

Nga partia VLEN në Maqedoninë e Veriut, ka publikuar një video në autostradën Shkup-Bllacë, e cila duket se po bëhet realitet.

Bilall Kasami, nga kjo parti, ka deklaruar se nga e hëna do të nisin punimet për 10 kilometrat e fundit të mbetur në pjesën Shkup – Bllacë.

“Edhe një premtim po bëhet realitet. Shkupi dhe Prishtina po lidhen me autostradë. Nga e hëna me nënshkrimin e kontratës për realizimin e punimeve të 10 kilometrave të mbetur nga Shkupi për në Bllac, do të nisin punët intenzive që kjo arterie kryesore e korridorit Kosovë – RMV të bëhet realitet’’’, ka thënë ai.

Ndryshe, Izet Mexhiti, ka deklaruar se pika kufitare në Bllacë, është pika më e frekuentuar.

“Me ardhjen e VLEN’it në qeveri, një ndër projektet e para ka qenë one-stop shopi Bllacë dhe Jazhincë, dhe sot jemi këtu në pikën kufitare të Bllacës, e cila është pika me frekuente në RMV’’, ka deklaruar ai.