Lajme

A flet me Limajn? Haradinaj: E kam përshëndetur për mirësjellje, na ka ikë në mënyrën më të turpshme

Posted on by botaelajmeve

Lideri i Aleancës për Ardhmërinë e Kosovës, Ramush Hardinaj është pyetur sot nga gazetarët nëse flet me liderin e Nisma-s, Fatmir Limaj, me të cilin kanë pasur koalicion parazgjedhor.

Haradinaj dhe Limaj janë parë në seancën e kaluar që nuk kanë komunikuar mes vete, ndërsa aludohej nëse të njëjtit kanë folur para seancës.

“Më ka përshëndet dhe për mirësjellje ia kam dhënë dorën… Më tha a pe pimë nga një cigare… i thash jo se e kam lënë…”, u shpreh Haradinaj.

Lideri i AAK-së i pyetur tutje nëse e ka lënë koalicionin parazgjedhor me partinë Nisma Social Demokrate ashtu si cigaren, ai tha se është Limaj ai që ka ikur në mënyrën më të turpshme.

“Jo se kom lënë, po ai na ka ikë në mënyrë më të turpshme që mundet me bo dikush…”, u shpreh Haradinaj. /