Ahmeti, gjeneralit amerikan: Jeni legjendë e vërtetë, koha për t`i kthyer djemtë tanë në shtëpi

Lideri i BDI-së, Ali Ahmeti, ka komentuar dëshminë e gjeneralit amerikan, Wesly Clark në Hagë.

Ai e ka falënderuar gjeneralin amerikan për argumentet që i ka sjell në favor të ish-krerëve të UÇK-së që po akuzohen nga Gjykata Speciale.

Në profilin e tij në “Facebook”, Ahmeti ka shkruar se çlirimtarët duhet të lirohen.

“Faleminderit Gjeneral, Ju jeni legjenda e vërtetë! Drejtësia është në fjalët e Gjeneralit Amerikan Wesli Klark, ish komandantit të NATO-së. Drejtësia është në çiltërsinë e luftës sonë çlirimtare dhe në kushtrimin e popullit e popullit shqiptar për liri, demokraci, pavarësi dhe miqësi me 🇺🇸 dhe 🇪🇺 Lironi djemtë tanë! Këtë ua kërkon e vërteta dhe çdo dëshmi, çdo vuajtje e popullit tonë, çdo pikë gjaku e dëshmorëve dhe martirëve për liri, çdo gjymtyrë e invalidëve për pavarësi”, ka shkruar ai.

Ai ka treguar për njohjen personale që ka pasur me gjeneralin amerikan.

“Gjeneralin Kllark e kam takuar disa herë dhe që në takimin e parë më tha që gjakpirësi Millosheviq i kishte thënë që me shqiptarët e kam lehtë, thjeshtë i vrasim që të gjithë. Këtë e konfirmoi edhe në Hagë në sytë e gjithë botës. Gjenerali i lirisë është dhe do të mbetet pjesë e historisë sonë kombëtare dhe ne jemi mirënjohës për jetë të jetëve miqve tanë 🇺🇸 që u rreshtuan me të drejtën e kombit shqiptar dhe kundër gjenocidit serb. Koha për ti kthyer djemtë tanë në shtëpi!!!”, ka shkruar Ahmeti.