Gjatë programit të mëngjesit në televizionin “Pink”, ish-ministrja serbe, Zorana Mihajloviq, e cila kohët e fundit po kthehet në jetën publike në Serbi, e pa të arsyeshme të sulmojë Novak Gjokoviqin për veprimin e tij në Wimbledon.
Tenisti tërthorazi ka mbështetur protestat e studentët kundër regjimit të president, Aleksandar Vuçiq dhe kjo ka shkaktuar reagime të mëdha.
“Keni deklaratën e Novak Gjokoviqit. Pa dyshim që është një sportist fantastik, por edhe tatimpagues i Monacos. Familja e tij është nga Kosova, ai fitoi në Wimbledon dhe merret me ‘pompat’ dhe shpjegon pse e bëri këtë. Fillimisht, fshihet pas fëmijëve – gjë që mendoj se është shumë e shëmtuar — dhe, së dyti, ai vihet në anën e atyre që kryejnë dhunë në këtë vend dhe mbështet ata që duan një Kosovë të pavarur”, deklaroi pa dorashka ish-ministrja.
Kujtojmë se sportisti festoi pas fitores në raundin e parë ashtu edhe në të dytën duke simuluar pompa, një shprehje që u bë simbol i protestave në Serbi që kanë vazhduar që nga dhjetori i vitit të kaluar.
Ndryshe, studentët me ndihmën e qytetarëve ka një javë që kanë paralizuar jetën në Serbi duke bllokuar rrugët dhe hekurudhat.
Të tjera
Gjashtë mënyra të thjeshta për të pastruar trupin nga toksinat
Zbuloni ushqimet që ju mbrojnë nga i ftohti kur lëkura bëhet e thatë gjatë dimrit
Kafeina krijon varësi të rrezikshme, ja çfarë i ndodh organizmit nëse hiqni dorë prej saj