Amerika mirënjohëse ndaj Kosovës për strehimin e emigrantëve, deklarohen nga DASh-i

Departamenti Amerikan i Shtetit ka mirëpritur vendimin e Kosovës që të pranojë 50 emigrantë përkohësisht.

“Jemi mirënjohës ndaj partneres sonë, Kosovës, për pranimin e shtetasve të vendeve të treta të larguar nga Shtetet e Bashkuara dhe për lehtësimin e kthimit të sigurt të këtyre të huajve në vendet e tyre të origjinës”, tha DASh-i në një deklaratë për CBS News, transmeton Klankosova.tv.

Qeveria në detyrë e Kosovës ka vendosur që të ofrojë mbrojtje të përkohshme për 50 persona nga shtetet e treta.

Kjo do të bëhet e mundur në kuadër të bashkëpunimit me Shtetet e Bashkuara.