Arifi: E ardhmja e LDK-së me Abdixhikun mbetet e paqartë, ai e rriti këtë parti, por pësuan rënie përsëri

Analisti Avni Arifi ka vlerësuar se e ardhmja e Lidhjes Demokratike të Kosovës me Lumir Abdixhikun në krye mbetet e paqartë.

Sipas tij, Abdixhiku ka marrë drejtimin e një LDK-je në gjendje të vështirë elektorale, duke arritur të rrisë mbështetjen për rreth 60,000 vota, por më pas ajo ka rënë përsëri.

Arifi shprehet optimist se përvoja e grumbulluar nga Abdixhiku mund të shërbejë si udhërrëfyes për ta rikthyer LDK-në në pozitën që ajo synon.

“Është e vështirë të parashikohet si do të jetë e ardhmja e LDK-së me z. Abdixhikun në krye. Abdixhiku ka gjetur një LDK në gjendje të rëndë elektorale dhe ka arritur ta rrisë mbështetjen për 60,000 vota, e pastaj ajo ka rënë përsëri. Por besoj dhe uroj që përvoja e ndërtuar të shërbejë si orientim dhe t’i ndihmojë ta kthejë LDK-në në pozitën që e synon”, tha Arifi për GazetaBlic.

Burjani: LDK-ja s’po arrin të ndahet prej PDK-së, Kurti nuk mund të jetë gjatë në politikë duke e quajtur veten “babë”