Ministria e Punëve të Jashtme dhe Diasporës (MPJD) ka reaguar pas ndalimit të ish-deputetit të Kuvendit të Republikës së Kosovës, z. Gramos Agusholli, nga autoritetet serbe në pikën kufitare në Merdarë, teksa ai ishte në tranzit drejt Sllovenisë.
Sipas MPJD-së, Zyra Ndërlidhëse e Republikës së Kosovës në Serbi ka njoftuar menjëherë misionet diplomatike të shteteve të KUINT-it dhe Zyrën e Bashkimit Evropian në Beograd për këtë rast.
Njëkohësisht, Ministria ka ndërmarrë hapat e nevojshëm për të siguruar informacione të plota dhe zyrtare rreth ndalimit, duke e cilësuar këtë veprim si arbitrar dhe të papranueshëm.
“Dënojmë fuqishëm këtë akt represiv të autoriteteve serbe, i cili bie ndesh me parimet e të drejtës ndërkombëtare dhe konventat për të drejtat e njeriut. I bëjmë thirrje Bashkësisë Ndërkombëtare të reagojë menjëherë, duke kërkuar lirimin e z. Agusholli dhe ndalimin e praktikave të tilla provokuese,” thuhet në reagimin zyrtar të MPJD-së.
Ministria ka njoftuar se do të mbajë të informuar partnerët ndërkombëtarë për çdo zhvillim të mëtejshëm dhe se çdo informacion i ri do të publikohet pas verifikimit zyrtar.
Të tjera
5 sekretet e njerëzve që nuk sëmuren kurrë
Haskuka solli për herë të parë në Kosovë diagnostikimin falas të kancerit në sektorin publik
Vendosni një copë akulli në qafën tuaj dhe shikoni çfarë ndodhë