BE-ja heq san*ksionet Sirisë

Vendet e BE-së bien dakord të heqin sanksionet ekonomike kundër Sirisë.

Marrëveshja u arrit në nivel ambasadorësh të martën në mëngjes, raporton agjencia e lajmeve AFP.

“ Nuk kemi zgjidhje tjetër. “Ose u japim atyre (Sirisë) mundësinë për të stabilizuar vendin – ose marrim diçka që i ngjan Afganistanit”, tha shefja e Punëve të Jashtme të BE-së, Kaja Kallas, gjatë rrugës për në takimin e ministrave të jashtëm që po zhvillohet paralelisht në Bruksel.

Përpara diskutimit në atë takim, Maria Malmer Stenergard, ministre e Jashtme  e Suedisë thekson rëndësinë e procedimit “në një mënyrë të zgjuar”.

“Duhet të sigurohemi që ekonomia të rimëkëmbet. Në të njëjtën kohë, është e rëndësishme të arrihet një ekuilibër në mënyrë që të kemi sanksione të kthyeshme. Nëse regjimi nuk i zbaton reformat e nevojshme, atëherë duhet të jetë e mundur edhe rivendosja e tyre”, tha ministrja Stenergard para takimit.rtk.

The post BE-ja heq san*ksionet Sirisë appeared first on Kosovapost.net.