Berisha konfirmon votën për Kurtin: Mbështetja ime nuk është nënshtrim

Kryetari i Partisë Liberale Egjiptiane, Veton Berisha, i cili në zgjedhjet e 9 shkurtit ka arritur të fitojë ulëse në Kuvendin e Kosovës, ka thënë se në këto kohë, sipas tij, të ndjeshme për Kosovën dhe qytetarët e saj, më shumë se kurrë lind nevoja për qartësi, maturi dhe përgjegjësi politike.

“Unë, si kryetar i Partisë Liberale Egjiptiane, kam qenë i qartë në deklarimet e mia: Jam i gatshëm ta votoj për të mirën e Kosovës, komunitetit tim egjiptian dhe të gjithë qytetarët pa dallim! Mbështetja ime nuk është nënshtrim, nuk është heshtje përballë mangësive”, ka shkruar tutje ai.

“Prandaj sot pyes publikisht: A është më me rëndësi të qëndrojmë të ngujuar në luftë politike, apo të veprojmë me mendje shtetformuese, duke mbështetur çdo hap që e çon Kosovën drejt një të ardhmeje më të mirë? Sepse në fund të fundit, nuk jemi zgjedhur për të fituar debate, por për të sjellë zgjidhje”, ka shkruar tutje ai.