Bilbao në Manchester me ‘mision të pamundur’, Bodo/Glimt ëndërron

Luhen ndeshjet e kthimit të gjysmëfinaleve të Europa League, dy përballje me intensitet të lartë: United e Tottenham janë favoritë për finalen, por Bodø/Glimt nuk ka thënë fjalën e fundit, ndërsa Bilbao ka mision thuajse të pamundur.

Manchester United – Athletic Bilbao

Manchester United është pranë finales së Europa League pas fitores dominuese 3-0 ndaj Athletic Bilbao në ndeshjen e parë, pikërisht në stadiumin ku do të zhvillohet finalja – San Mamés. Edhe pse kanë një avantazh të madh, skuadra e Ruben Amorim nuk ka qenë gjithmonë e qëndrueshme, duke treguar luhatje si në humbjen 4-3 ndaj Brentford në Premier League.

Historiku i United është në favor të tyre: kanë kaluar çdo herë fazën kur kanë fituar ndeshjen e parë jashtë fushe në Europë (20 raste). Athletic vjen në ‘Old Trafford’ pa disa nga lojtarët kryesorë si Nico e Iñaki Williams dhe Oihan Sancet dhe nuk kanë fituar asnjë nga tri ndeshjet e fundit jashtë fushe në këtë kompeticion.

Fakt interesant: Tetë nga nëntë ndeshjet e fundit të United në shtëpi në Europa League kanë parë të dyja skuadrat të shënojnë.

Bodø/Glimt – Tottenham

Bodø/Glimt shpreson të përmbysë disavantazhin 3-1 ndaj Tottenham, ashtu siç ka bërë më parë në këtë turne – duke humbur jashtë fushe por fituar bindshëm në shtëpi. Ata kanë një rekord të shkëlqyer në shtëpi këtë vit: 6 fitore radhazi me më shumë se një gol diferencë, përfshirë edhe ndaj Lacios.

Tottenhami do të udhëtojë në Norvegji pa James Maddison, ndërsa Solanke dhe Son Heung-min janë në dyshim. Ky do të jetë rikthimi i trajnerit Postecoglou në Bodø, ku pësoi humbje me Celtic në vitin 2022, por këtë herë vjen më i përgatitur dhe me një avantazh të qartë.

Fakt interesant: Tottenhami ka kaluar 18 nga 21 herë fazën kur ka fituar ndeshjen e parë në Europë.s.n.