Aktuale, Bota

Bota ngritet kundër Elon Muskut, 200 protesta në ditë kundër pronarit të Teslas

Posted on by botaelajmeve

Mijëra njerëzve protestuan dje para salloneve të Teslës në mbarë botën, në shenjë kundërshtimi ndaj Elon Musk dhe rolit të tij në qeverinë federale amerikane me presidentin Donald Trump.

Protestat u mbajtën në pothuajse të gjitha shtetet federale të SHBA-së, por edhe në Australi, Zelandën e Re, Kanada, Irlandë, Gjermani, Zvicër, Francë, Mbretërinë e Bashkuar dhe shumë vende të tjera evropiane.
Rreth 200 ngjarje u mbajtën dje në mbarë botën. Në Irlandë, tema ishte “Shkatërro fashistin”, ndërsa zviceranët dolën me mesazhin “Poshtë Doge”, duke iu referuar Departamentit të Musk për Efiçencën Qeveritare – Doge, një organ federal i ri që drejtohet nga ai dhe që ka për qëllim uljen e buxhetit të shtetit.

Lëvizja me emrin “Tesla Takedown” fton qytetarët të ndjekin tri hapa të veçantë: të mos blejnë Tesla, të shesin aksionet e Teslës dhe të bashkohen me protestat.

Një nga sloganet është “Dëmto Tesla do të thotë të ndalosh Musk. Të ndalosh Musk do të thotë të shpëtosh jetë dhe demokracinë”.

“Ky nuk është një rebelim kundër automjeteve elektrike, ky është një rebelim kundër Musk”, thanë ata që ishin të pranishëm.

Në New York u mblodhën disa qindra persona. Organizatorja Sophie Shepherd nga grupi Planet Over Profit shpjegoi se “Jemi këtu sepse Musk po përdor Tesla-n si një levë të pushtetit politik. Ai ka organizuar literally panaire veturash në oborrin e Shtëpisë së Bardhë. Qëllimi ynë është të prishim biznesin e tij sa më shumë që mundemi”.

Marty (82), i cili protestoi kundër luftës në Vietnam në vitet ’60, tha se “sot jam këtu sepse kam frikë për vendin tim. Ky është një tentativë për të marrë pushtetin e shtetit nga oligarët”.

Në Washington u mbajt një protestë me emrin “Tesla Takedown Dance Party” – me vallëzim, muzikë dhe mesazhe si “Hidh meme-aksionet, bashkohu me kolonën e vallëzimit!”

Në Londër u mbajt një protestë pranë rrugës A40 përpara sallonit të Teslës. Aktivisti Nigel Warner tha se Musk “financon ekstremin e djathtë dhe frikëson republikanët që nuk pajtohen me Trump”.