Brazili synon të organizojë Botërorin e Klubeve 2029

Brazili ka shprehur zyrtarisht dëshirën për të organizuar Kampionatin Botëror të Klubeve në vitin 2029.

Ky interes vjen pas prezantimit të formatit të ri të turneut, i cili ka ngjallur interesim të madh nga shumë shtete.

Presidenti i Federatës Braziliane të Futbollit, Samir Xaud, ka zhvilluar një takim me presidentin e FIFA-s, Gianni Infantino, dhe sekretarin e përgjithshëm, Mattias Grafström, ku ka prezantuar kërkesën për ta sjellë turneun në tokën braziliane.

“Infantino u gëzua kur ia shpreha këtë propozim. Më tha se ishte e mundur dhe se do të punojmë bashkë për ta realizuar”, ka deklaruar Xaud pas takimit.

Brazili është një vend me përvojë të madhe në organizimin e ngjarjeve të mëdha futbollistike. Në vitin 2014, priti Kampionatin Botëror, ndërsa pas dy ditësh do të jetë nikoqir i Botërorit të Futbollit për Femra.