Trajneri i Spanjës, Luis de la Fuente është deklaruar i kënaqur dhe krenar për skuadrën e tij pas fitores 1-0 ndaj Italisë në Grupin B të Euro 2024. Është një rezultat që e sheh La Rojan të kalojë tutje pa marrë parasysh rezultatet tjera.
De La Fuente shkëlqen pasi kombëtarja e tij fitoi vendin e parë në grup me paraqitje maksimale dhe lojë të shkëlqyer pas turit të dytë, ndaj ndeshja e fundit ndaj Shqipërisë është lojë për prestigj.
Kjo është më e qartë nëse shikoni statistikat e ndeshjes dhe kjo është ajo që ka bërë trajnerin De La Fuente ta cilësoj Spanjën si ekipin më të mirë në Euro 2024.
“Jam i lumtur, i kënaqur dhe mbi të gjitha krenar për grupin tim të lojtarëve. Një ditë më parë thashë se nuk lodhen duke luajtur dhe fituar dhe e dëshmuan përsëri”, ka thënë fillimisht De La Fuente.
“Ishte një lojë shumë e vështirë. Dominuam, ne jemi në të gjitha fazat e lojës, krijuam shumë raste, dhe rezultati është shumë i butë ndaj kundërshtarit”.
“Të gjitha ndeshjet konkurruese janë të ndryshme. Ne duhet të vazhdojmë të punojmë me këtë përulësi duke e ditur se kemi ende hapësirë për përmirësim. Ndeshjet e ardhshme do të kërkojnë që ne të përmirësohemi dhe lojtarët ende mund ta bëjnë këtë”.
“Realisht, nuk ka ekip më të mirë se ne në Euro 2024. Ne i respektojmë të gjitha skuadrat, por thjesht duhet të vazhdojmë dhe mendoj se mund të bëjmë shumë”, përfundoi trajneri i Spanjës.
Të tjera
Turqia synon rritjen e investimeve në Kosovë dhe krijimin e një zone të lirë ekonomike të përbashkët
Suedia e “sulmon” Kosovën në Prishtinë me dyshen e frikshme Isak – Gyokeres, lihet jashtë Zeneli
Zhegrova ta gëzojë pasaportën, por Rama përdori një të drejtë për trafik interesash e ndere personale!