Lajme

Deputeti Albert Kinolli: Kurti sapo të kthehet nga Londra do të kemi takim për formimin e Qeverisë së re

Posted on by botaelajmeve

Deputeti i Kuvendit nga Partia Rome e Bashkuar e Kosovës, Albert Kinolli, ka bërë të ditur se do të zhvillojnë takim me kryetarin e LVV-së, Albin Kurti, për formimin e Qeverisë së re.

Deputeti Kinolli tha se me kërkesë edhe të Kurtit takimi do të zhvillohet pasi ky i fundit do të kthehet nga vizita e tij në Londër.

‘’Sipas informacioneve që kemi me të cilat jemi dakorduar paraprakisht ne jemi duke e pritur kthimin e kryeministrit në detyrë, Albin Kurti, që pas kthimit të tij nga Londra do të takohemi për formimin e Qeverisë. Do të kem takim unë si përfaqësues i komunitetit Rom, ndërsa për të tjerët nuk kam informacione’’, tha ai për Rtv21.

Deputeti Kinolli tha se asnjë subjekt politik nuk pranon të përfshihet në koalicion pa kushte. Por, sipas tij, janë të gatshëm që të japin kontributin e tyre për formimin e institucioneve të reja.

Edhe deputeti i Kuvendit nga Partia e Ashkalive për Integrim, Artan Asllani, ka konfirmuar për rtv21 se do të zhvillojë takim me kryetarin e LVV-së, Albin Kurti për formimin e Qeverisë së re.

Deputeti Asllani tha se preferojnë që të përfshihen në një marrëveshje koalicioni me LVV-në, por kërkesa e tyre është që komuniteti që ai përfaqëson të përfshihet në planifikimet buxhetore.

“Po, patjetër se do të pranojmë të takohemi me Kurtin. Unë jam kadorduar dhe zotëri Kurtin për bashkëqeverisje. Unë nuk e di formatin e takimit, por i di kërkesat që i kam dhe kërkesat e mia konkrete që kanë me qenë për kryeministrin e ardhshëm që komuniteti Ashkali të ketë përfshirje të plotë në buxhetin e Kosovës, me pas fonde për komunitetin ashkali. Ne nuk do ta kushtëzojmë formimin e Qeverisë me pozita”, tha ai.